Fundir & Mannfagnaðir
Mynd eftir Shannon Smith
„Hótel Rangá býður upp á þægileg fundarherbergi og -sali, frábærar veitingar og persónulega þjónustu. Fullkominn staður fyrir fundi, ráðstefnur, veislur eða viðburði.“
Harpa Jónsdóttir
Gæðastjóri á Hótel Rangá
Mynd eftir Andrew Klotz
Þjónusta og Þægindi í fyrirrúmi
Fundir & Veisluhöld
Hótel Rangá býður upp á fyrirtaks fundaraðstöðu og þjónustu sem hentar fyrir fundi, námskeið og stefnumótunarvinnu. Á annarri hæð hótelsins er glæsileg fundaraðstaða sem samanstendur af tveimur fundarsölum. Í sölunum er þráðlaust net, skjávarpi og annar búnaður sem þarf fyrir fundi.
Svæðið í kringum Hótel Rangá býður upp á fjölbreytta afþreyingamöguleika til að hópurinn njóti sín sem best saman. Teymið okkar er þaulvant að skipuleggja dagskrá sem hentar fjölbreyttum hópum bæði hvað varðar afþreyingu og hópefli.
Eftir annasaman dag er tilvalið að gleyma stað og stund í heitu pottunum og njóta sælkerakvöldverðar á margrómuðum veitingastað Hótel Rangá.
Salirnir á Hótel Rangá
Glersalur
Veitingasalurinn stendur til boða fyrir einkaveislur þegar allt hótelið er bókað fyrir gesti. Salurinn tekur að hámarki 120 manns í sæti
Rangársalur
Rangársalur er stærri einkasalurinn okkar og hentar fullkomlega í stærri veislur. Hann tekur allt að 60 manns í sæti.
Heklusalur
Heklusalur er minni einkasalurinn okkar og er tilvalinn fyrir allt að 25 manna veislur.
Mynd eftir Andrew Klotz
Ævintýra Brúðkaup
Brúðkaup
Hin mikilfenglega náttúrufegurð á Suðurlandi gefur möguleika á ótrúlegri fjölbreytni þegar velja skal stað til að gefa saman hjón. Hótel Rangá er staðsett í miðju hinna víðáttumiklu Rangárvalla, hefur frábæra aðstöðu og áralanga þekkingu og reynslu í að skipuleggja hjónavígslur, móttökur, veislur og viðburði.
Möguleikarnir eru óteljandi: falleg athöfn við kristaltæran Gluggafoss; í ilmandi skógi Þorsteinslundar eða á bökkum hinnar breiðu og tignarlegu Rangár; í rómantískri sveitakirkju með steindum glergluggum eða í víðum leynihelli, sem er lýstur upp með kertaljósi. Hvaða stað sem þið veljið þá leggjum við okkur fram um að gera daginn ykkar stórfenglegan og eftirminnilegan.
Allt er mögulegt. Hafið samband við okkur og verið ófeimin við að spyrja, leggja fram hugmyndir eða séróskir. Það er okkur bæði heiður og ánægja að fá að eiga þátt í mikilvægasta degi lífsins með ykkur og því að skapa dásamlegar minningar.
Mynd eftir Ásu Steinarsdóttur