Junior Svítur
Einstakar & Elegant
Þessar svítur eru heil veröld útaf fyrir sig, með handunnum húsgögnum og forvitnilegum listaverkum, sem skapa einstakt andrúmsloft. Norður-Ameríkusvítan er rúmgóð og þægileg, skreytt listmunum, handverki og litríkum vefnaði frá frumbyggjaþjóðum Norður-Ameríku. Og þegar þú vaknar eftir þægilega nótt í Asíusvítunni finnst þér sjálfsagður hlutur að sötra grænt morgunte um leið og þú virðir fyrir þér fagurlega hönnun Kyoto loftsins, nema að kaffi úr Nespresso vélinni höfði meira til þín.
Svalir eru á hverri svítu með útsýni yfir hina fögru Eystri-Rangá, sem líður í friðsæld gegnum akra og engi Rangárþings. Svíturnar eru rúmgóðar með setukrók og tvíbreiðu rúmi. Ásamt Nespresso kaffivélinni fylgja baðsloppar og inniskór.
Morgunverður er innifalinn. Umhverfisvænar snyrtivörur og sápur eru í boði á baðherbergjum. Aukarúmum er hægt að bæta við ef óskað er.
Hjónarúm (King Size)
Auka rúm ef þess er óskað
Hámark 3
42m²
Bað með sturtu
Útsýni yfir Rangá
- Norðurljósa hanagal
- Vöknunarþjónusta
- 24 tíma herbergisþjónusta
- Þvotta þjónusta
- Baðvörur
- Baðsloppar og inniskór
- Hárblásari
- Bað og sturta
- Nespresso kaffivél
- Peningaskápur
- Frítt WiFi
- Straujárn og straubretti
- Sjónvarp
- Öll herbergi eru reyklaus
Þjónusta
Norðurljósahanagal
Við erum með sérstaka kvöld- og næturvakt að fylgjast með gangi mála á himinhvolfinu. Um leið og norðurljósin birtast færðu hringingu frá næturvaktinni: Hanagal!
Heitir Pottar
Allir gestir hafa aðgengi að heitum pottum fyrir utan hótelið. Pottarnir þrír eru staðsettir við ánna og eru opnir alla daga. Njótið friðsældarinnar á meðan þið horfið á norðurljósin dansa á stjörnuhimninum.
Veitingastaður
Veitingastaður Hótels Rangár er rómaður fyrir frábæra matargerð, gott hráefni og þjónustu. Áherslan hefur ávallt verið á hina sígildu íslensku gestrisni, framúrskarandi veitingar og persónulega þjónustu.
Stjörnuskoðun
Við bjóðum upp á fullkomnustu aðstöðu til stjörnuskoðunar á landinu og þegar vel viðrar er okkar eigin stjörnufræðingur til staðar og fræðir gesti um undur stjörnuhiminsins.
Afþreyingarherbergi
Eftir annasaman ævintýradag er tilvalið að slaka á og njóta lífsins á hótelinu. Í afþreyingarherberginu er biljarðborð, spil, taflborð og púsl, opið öllum gestum Hótels Rangár.
Svítur
Suður Ameríka
Innblástur frá perú, litrík og einstakt viðarverk með snertu af suðrænni sveiflu
FJÖLDI FALLEGRA LISTAVERKA
List á Hótel Rangá
Við erum hreykin af framlagi íslenskra listamanna á hótelinu, þar sem fjölda fallegra listaverka er að finna. Í nær öllum herbergjum eru einstakar veggmyndir, innblásnar af íslenskri náttúru: hestum á stökki, værukærum sauðkindum, dýrlegum lúpínubreiðum að ógleymdum persónum og atvikum úr Íslendingasögum. Svíturnar geyma líka fagra handverksgripi og listaverk hvaðanæva að úr heiminum. Við leitum til listamanna og fagurkera þegar við veljum inn verk sem prýða hótelið svo gestir okkar megi njóta einstakrar skemmtunar, munaðar og þæginda.
Heim » Herbergi & Svítur » Junior svítur